الكلاسات والأوبجكت
الكلاس والأوبجكت
درسنا اليوم حيكون عن ايش هو الكلاس ؟
هو مكان خاص في البرنامج فيه دوال ومتغيرات خاصه فيه
ما يقدر الكلاس الأساسي يتعامل معاه إلا بشروط
-- الكلاس الأساسي اللي فيه دالة الـ main --
- طيب أيش يعني الكلاس ؟
يعني إنو نقدر نختصر بعض المهام في البرنامج ونسوي لها كلاس لحالها
ويصير نقدر نستعملها في كذا مكان في البرنامج بكل سهوله
وبدون ما نخلي الكلاس الأساسي كلامه كثير
- دقيقه مو قلنا الكلاس الأساسي ما يقدر يتعامل معاه ؟
حيتعامل معاه بواسطة إنشاء أوبجكت
الأوبجكت هو زي نسخه من الكلاس فيها المتغيرات والدوال حقته
ويصير يعدل في بيانات النسخه فقط
وبكذا وصلنا للكلاس ونقدر نتعامل معاه
أهم شي نفهم إن الأوبجكت مايغيير في بيانات الكلاس الأساسي
يغير فقط في بيانات النسخه حقته
لانو نقدر ننشئ عدد لا نهائي من الأوبجكت للكلاس الواحد
فعشان كذا كل أوبجكت يغيير في النسخه حقته فقط
طريقة إنشاء كلاس :
class + اسمه + { + }
} class class_name
{
طريقة إنشاء أوبجكت :
وننتبه مكانه في الكلاس الأساسي في دالة main
;()class_name object_name = new class_name
} public class Myclass
} public static void main(String[] args)
;()class_name object_name= new class_name
{
*مثال*
مثال : نبغا نسوي برنامج لمعرض سيارات
أول شي حنسوي كلاس أسمه car
وبعدين حنسوي متغيرات لكل البيانات اللي نحتاجها للسيارة
وبعدة ننشئ الدوال اللي نحتاجها مثل: طباعة معلومات السيارات , أو كم عدد السيارات عندنا وإلخ
حالياً حنسوي مثود واحد واللي هو طباعة المعلومات
} class Car
;String name
;int number
;String color
}()print_information
; ( name + number + color )System.out.println
{
{
بكذا خلصنا إنشاء الكلاس
نروح للكلاس الأساسي
ونبدأ نعبي بيانات السيارات
ونلاحظ لكل سيارة أوبجكت خاص فيها
وإنتبهو كيف طريقة تعبية البيانات في الصورة ومن ثما نبدأ نستخدم المثود حقنا عشان نشوف أيش الناتج
} public class Myclass
} public static void main(String[] args)
; ()Car car1 = new Car
; ()Car car2 = new Car
;"car1.name = " toyota
;car1.number = 2017
;"car1.color= " white
;"car2.name = " toyota
;car2.number = 2015
;"car2.color= " red
;()car1.print_information
;()car2.print_information
{
{
أهم شي
لمن تنطبع البيانات لسيارة 1
محتكون نفسها البيانات لسيارة 2
لانو كل اوبجكت فيه البيانات حقته فقط .. فما حتتلخبط
وبكذا ننهي درسنا